Gen 5 | WSK | STEP | Kaem Adam beteram ale noko turantala beteram. Nu kari imet ago nunga beteram, asele marak nungaram ale balam “kariimet” mam. Se Adam ko numasari se ko taleng girigir arataman mu nononga nunup iwita:

Genesis 5

Adam ko numasari se ko taleng girigir

1 Kaem Adam beteram ale noko turantala beteram. Nu kari imet ago nunga beteram, asele marak nungaram ale balam “kariimet” mam. Se Adam ko numasari se ko taleng girigir arataman mu nononga nunup iwita:

3 Adam 130 yar bagaram asele noko kuriang bo noko turantala aratam. Se nu nup beteram Seth i mam. 4 Se Adam udagi yar 800 tala bagaram. Noko kuriang sang kari se imet mu ago arataman. 5 Adam 930 yar bagaram asele kueram.

6 Seth 105 yar baga kuriang kari aratam, Enosh. 7 Se Seth udagi yar 807 tala bagaram. Noko kuriang sang kari se imet ago arataman. 8 Seth 912 yar bagaram asele kueram.

9 Enosh yar 90 baga ko kuriang kari aratam, Kenan. 10 Inos udagi yar 815 tala baga se ko kuriang sang kari se imet ago arataman. 11 Enosh yar 905 bagaram asele kueram.

12 Kenan yar 70 baga ko kuriang kari aratam, Mahalalel. 13 Kenan udagi yar 840 tala baga se kuriang sang kari se imet ago arataman. 14 Kenan 910 yar bagaram asele kueram.

15 Mahalalel yar 65 baga ko kuriang kari aratam, Jared. 16 Mahalalel udagi yar 830 tala baga se ko kuriang sang kari se imet ago arataman. 17 Mahalalel yar 895 bagaram asele kueram.

18 Jared 162 yar baga ko kuriang kari aratam, Enoch. 19 Jared udagi yar 800 tala baga se kuriang sang kari se imet ago arataman. 20 Jared yar 962 bagaram asele kueram.

21 Enoch 65 yar baga ko kuriang kari aratam, Methuselah. 22 Enoch yar 300 tala baga se ko kuriang sang kari se imet ago arataman. Enoch Kaem ilak bagakaso. 23 Nu tom suen biya Kaem ilak baga noko yar 365 mu te Kaem nu tam, se udagi kariimet nu me arikasan. ^{▼▼Gen 5:24 Enoch: Heb 11:5 Jude 14.}

25 Methuselah 187 yar baga ko kuriang kari aratam, Lamech ^{▼▼Gen 5:32 Kari imitang mu gomang ningi nunguning ko kari bo. Kari bo nup Lamech tala mu Cain ko gue te aratam ale nu numi patowara kari (Gen 4:23-24).}. 26 Methuselah udagi yar 782 tala baga se ko kuriang sang kari se imet ago arataman. 27 Se Methuselah ko yar tom te baga kueram mu biguwuman mu 969 yar.

28 Lamech 182 yar baga ko kuriang kari bo aratam. 29 Lamech balam, “Kari Biya ali imi maguwuram ale den aora biya te balam se aniso. Se ana te ura kowar to lagasan. Kuriang imi aratam mu ana ali imi te ura kowar towasan wore nanga sanguk se naneman sapanakko,” mam. Buta se nu kuriang nup beteram Noah i mam. 30 Lamech yar 595 tala baga se ko kuriang sang imet se kari ago arataman. 31 Se Lamech ko yar tom te baga kueram mu biguwuman mu 777.

Noah 500 yar bagaram ko kuriang kari ilagala suwan arataman. Nunga nunup mu Shem, Ham, Japheth.

32